«Komunitate fundazio batek ez ditu arazoak konpontzen. Ereduak sortzen ditu: lankidetzarako, gizarte-berrikuntzarako, aktibotan oinarritutako garapenerako…
Eraldaketa sistematikorako baldintzak sortzea bultzatzen du». (Bárbara Calderón; Comillaseko Unibertsitatea)
Aurreko astea bereziki liluragarria izan zen Zazpiren sorrera bultzatzen gauden pertsonentzat.Zazpi.
Urriaren 30a gure egutegian markatuta geneukan, gure lehenengo aurkezpen publikorako data baitzen.
Aurretik Protektoratuaren aurrean estatutuak eta ekintza-plana aurkeztu genituen berrikusi zitzaten.
30eko eguna aparta izan zedin hainbat pertsonak esku hartu zuten eta euren denbora zein ezagutza eskaini zituzten. Haien parte hartzerik gabe ezinezkoa izango zatekeen.
Hedabideak ere eskertu behar ditugu, bereziki Deia-ko Ane Araluzea eta El Correo-ko Gerardo Elorriaga ekimenaren inguruan azaldutako interesagatik eta euren egunkarietan modu egokian irudikatzeagatik.
Albistea Deian / Albistea El Correon
30ean hiru une nagusiz gozatu genuen.
14:30etan GURUZU jatetxean alde-eragilearen zenbait kide elkartu ginen Rosa Gallegorekin eta Jon Mancisidorrekin batera.Mancisidor laguntzen gaituen eta hasieratik gure amabitxi den pertsonetako bat da.
Ondoren, 16:30etan, taldea zeharo zabaldu genuen, amabitxi diren zenbait pertsona gonbidatu baikenituen komunitate fundazioen inguruan aritzeko.
Besteak beste, honako hauek batu ziren: Carlos Askunze, Nieves Terán, Iker Gómez, Roberto San Salvador, Aitor Zuberogoitia eta Julio Huerta Valentziako Fundació Horta Sud fundaziokoa.
Hona doazkizue topaketak eragindako zenbait erreakzio:
- Hura poza Zazpi
Bilboko VII. Barrutiko Komunitate Fundazioaren aurkezpen publikoa
ikusteak. Gertutik jarraitu dudan prozesua da eta, dudarik gabe,
talde-eragilearen lan nekaezina eta maitasun handia daramana. Haiek
«ureztatu dute» fundazioaren hazia azken urte hauetan eta ziur nago,
pixkanaka-pixkanaka, loratuko dela barrutia eraldatzeko.
Berri ona da benetan Zazpi martxan jartzea. Erronka konplexuz beteta dagoen testuinguru honetan, inoiz baino gehiago dugu komunitate fundazioak bezalako ekimenen beharra, gure auzoen kohesioa eta garapena bultzatzeko baliabideak mugiarazten dituzten irabazi-asmorik gabeko erakundeak baitira. - Gozamena da beste modu batean, asko eta ongi gainera, aritzen diren pertsonak entzuteko aukera izatea. Ikasketa itxaropentsua.
- Enhorabuena a Zazpi Fundación Comunitaria del Distrito 7 de Bilbao por haber emprendido este camino que nos inspira a muchas personas y redes comunitarias que trabajamos para transformar nuestros territorios. Un placer haber podido compartir la tarde de ayer con buena gente que sigue buscando nuevas herramientas para construir y fortalecer comunidades. Eskerrik asko.
- Milesker zuei gonbidapenagatik eta GURUZU-ra gerturatzeagatik. Topaketa benetan motibagarria izan da.
- Badirudi #KomunitateFundazioak tresna paregabea izango
direla herri- eta auzo-mailan berpizteko, birpentsatzeko eta endredatzeko.
Zoragarria da komunitate fundazio bat hain gertu martxan jartzea. Ea VII.
Barrutiak beste batzuk polinizatzen dituen!
Eskerrik asko.
El Correo-ren Kultura Aretoan izandako aurkezpenarekin amaitu genuen eguna. Esker mila César Coca aretoaren zuzendariari gu bertan hartzeagatik eta erraztasun guztiak eskaintzeagatik.
Ostiral goizean Rosarekin eta Juliorekin lanean aritu ginen. Aste honetan bi bilera izango ditugu Barrutian.